په‌لاتینكێ نه‌دزانی وه‌سا دێ ژ مالا خۆ دوور كه‌ڤیت.
گوته‌ هه‌ڤالا خۆ: دابزڤرینه‌ڤه‌، ده‌یكا من ئه‌زا شیره‌تكریم كو ژ باخچه‌ی نه‌ ده‌ركه‌ڤم. هه‌ڤالا وێ پێ كره‌ كه‌نی و گوت: ترسنوك، ئه‌ز د زانم تو یا ترسنوكی..
دێ كا وه‌ره‌ وه‌ره‌ دێ گوله‌كا بێهن خوش نیشا ته‌ده‌م.
په‌لاتینكێ دڤیا گوهێ خۆ، نه‌ده‌ته‌ هه‌ڤالا خۆ به‌لێ نه‌دڤیا بێژنێ ترسنوك، له‌وما ب دووف كه‌ت هه‌تا گه‌هشتینه‌ ده‌ف گوله‌كا بێهن خۆش.
په‌لاتینكێ ژ دلخۆشیا خۆ خۆ هلاڤێت.
دیاره‌ هنگڤینێ ڤێ گولا ره‌نگین یێ ب تامه‌.
هه‌ردوڤه‌ په‌لاتینكا سه‌حكره‌ ئك و ب گرنژین خۆ ل نیڤه‌كا گولێ دان و ده‌ست ب خوارنا وێ تاما خۆش كرن.
په‌لاتینكا بچیك شیره‌تا دایكا خۆ ژبیركر كۆ گوتبوویێ: دوور نه‌كه‌ڤه‌ و تشتێ تو نه‌نیاسی خۆ نێزیك نه‌كه‌.
هه‌ر چ نه‌مابوو د هزرا وێ دا ژبلی هنگڤینێ گولێ.
هه‌ردووك مژوول بۆن ب خوارنێ حه‌تا تاری ب سه‌ردا هاتی و هنگی هایژ خۆ بوون ده‌ما گولێ ده‌ستپێكری په‌رێن خۆ د هه‌ردووكان ب ئالینیت.
هندی هاتن نه‌شیان خۆ قورتال كه‌ن.
بێهنا وان ته‌نگ بوو ونه‌شیان خۆ بلڤلڤینن حه‌تا كو ژ نشكه‌كیڤه‌ به‌لگه‌ك دیار بوی د ناڤ په‌رێن گولێ دا.
هه‌ردوو په‌لاتینكا خۆ ب به‌لگڤه‌ گرت و هاتنه‌ ده‌رێ.
ب ماندیبوونڤه‌ په‌لاتینكێ سه‌حكرێ كو دایكا وێ بوو ئه‌و قورتال كرین.
داكێ گوت:جیرانا گوت هوون یێن چووینه‌ جهێ گولان په‌لاتینك خوڕ و ئه‌ز دووڤ هه‌وه‌ هاتم.
په‌لاتینكا بچووك د خه‌وچوو و دگوت: دادێ دادێ ببوره‌ ئه‌ڤه‌ دوماهیك جار بیت ئه‌ز گوهێ خۆ نه‌ده‌مه‌ ته‌.
evro

Comments (0)