نۆشدارا تايبه‌تمه‌ند: ئه‌گه‌ر گه‌نج ژ 35 ساليێ بووري ب زه‌حمه‌ت زارۆ هه‌بن هنده‌ك گه‌نج زوو ب زوو ژنێ نائينن. هه‌تا ژيێ وي ژ 30 ساليێ د بووريت ژ نوو وێ سوحبه‌تێ دكه‌ن.
شاره‌زايێن جڤاكي ڤێ چه‌ندێ ب خه‌له‌تي دزانن و نوشدارا تايبه‌تمه‌ند دبێژت: باشترين ته‌مه‌نێ زارۆ تێدا په‌يدا دبن د ناڤبه‌را 20 تا 35 سالي دايه‌.
ئه‌گه‌ر ته‌مه‌نێ گه‌نجي ب سه‌ر ڤه‌ چوو دێ ب زه‌حمه‌ت وي زارۆ هه‌بن.
گه‌نجه‌كێ قه‌يره‌كوڕه‌ د ژيێ 39 سالي دا ژبه‌ر منه‌ت ب هه‌ڤژيناتيێ نينه‌ له‌ورا ل به‌ر نينه‌ تا پێنچ سالێن دي چ كچا ب خوازيت. پاشي گۆت: كێم جارا هه‌ست ب تنێ دكه‌م.
به‌س نابيته‌ ئه‌گه‌ر هزر بكه‌م دێ مينمه‌ بێ ژن. ژبه‌ر كو هه‌ر ده‌مێ من ڤيا دێ شێم ژنێ ئينم.
نوكه‌ ب ئاڤاكرنا كه‌ساتيا خۆ ڤه‌ مژوولم .
ل دور ژيانا ڤي كه‌سي، خالد ئه‌ترووشي شاره‌زا د وارێ جڤاكي دا ديار كر كو ژيانا وي د مه‌ترسيێ دا.
ئاماژه‌ دا هندێ دبيت ئه‌ڤ گيروكرنا وي وه‌لێ بهێت كچا باوه‌ري پێ نه‌مينيت ژبه‌ر خۆ مه‌زن كرنێ و دبيت په‌شێماني ل دووڤدا بهێت و گۆت: دوور نينه‌ ئه‌و ببيته‌ ئه‌گه‌رێ ئاريشه‌ و سه‌رگێژيان د ناڤ خێزانێ دا.
ژبه‌ر ل ده‌مێ كوڕ دگه‌هيته‌ وي ته‌مه‌ني، باشتره‌ خۆ نه‌هێليته‌ ب هيڤيا مالێ ڤه‌.
له‌زگين گه‌نجه‌كێ دي يه‌ ته‌مه‌ن وي بوويه‌ 36 سال هێشتا ژن نه‌ئينايه‌، دبێژيت: ئه‌ز حه‌ز ژ كچان ناكه‌م. جيرانێن وي دبێژن ئه‌وي هه‌ يێ نه‌مێره‌ له‌وا ژنێ نا ئينيت.
د. عاليا حه‌سه‌ن نۆشدارا ژنان و زارۆ بوونێ ل دور پاشه‌رۆژا وي كه‌سي ديار كر ئه‌ڤ چه‌نده‌ كارتێكرنێ ل سه‌ر گه‌نجان دكه‌ت و دڤێت گه‌نج خۆ پير نه‌كه‌ن و زوو ژنێ بينن.
پاشي گۆت: باشترين ته‌مه‌نێ زارۆ تێدا په‌يدا دبن د ناڤبه‌را 20 تا 35 سالي دايه‌.
ئه‌گه‌ر ب سه‌ر ڤه‌ چوو دێ ب زه‌حمه‌ت وي زارۆ ببن.
ئه‌گه‌ر ته‌مه‌نێ گه‌نجه‌كێ ز 35 بووري و ژ نوو ژن ئينا و زارۆ نه‌بوون پێدڤي يه‌ سه‌ره‌دان نوشداري بكه‌ت.
هه‌رمان قه‌يره‌كوڕه‌ د ژيێ 35 سالي دا و نه‌يێ رازي يه‌ ب سالوخێ ل ده‌ڤ ژبه‌ر سكس بۆ وي نه‌يێ گرنگه‌ له‌ورا ل به‌ر نينه‌ چ كچان ب خوازيت.
پاشي گۆت: هندي دهێمێ من ئه‌و حه‌ز هه‌بيت ل دووڤ وان هه‌ولێن دكه‌م نه‌شێم وێ پێنگاڤێ ب هاڤێژم.
د. به‌يان قادر گه‌لالي تايبه‌تمه‌ندا ده‌رووني ژ هه‌ولێرێ ده‌رباره‌ي كه‌سێ ناڤبري دياركر كو دڤێت سه‌ره‌دانا نۆشداران بكه‌ت و پێدڤي خوارنا ده‌رمانێن نۆشداري يه‌.
دازانين كو ئه‌گه‌رێ وێ لاوازيێ هورمونێن وي د لاوازن و گۆت: گيروبوونا ته‌مه‌نێ مرۆڤي هه‌ڤژينيێ دا، كاتێكرنێ ل زه‌وقا سكي دكه‌ت.
ژبه‌ر هورمونێن سكسي ژ سنێله‌يي وگه‌نجينيي دا پتر كاردكه‌ت و د به‌رهه‌ڤن بۆ هه‌ڤژينيێ.
به‌لێ دوپات دكه‌ت كو باشتره‌ گه‌نج د ژيێ 20 سالي دا ژنێ بينيت.
له‌ورا ئه‌گه‌ر ته‌مه‌نێ وي ب سه‌ر يێ هه‌ڤژيني ڤه‌ چوو كارتێكرن ل وێ كچێ دبيت يا دئينيت ژبه‌ر خوشيێ دگه‌ل نابه‌ت.
خالد ئه‌ترووشي شاره‌زايێ جڤاكي سه‌ره‌رايي وان هه‌لويستێن كه‌سێن تايبه‌تمه‌ندا ده‌رووني دياركرين كو ل ڤێره‌ تا گه‌له‌ك جاران ژبه‌ر هنده‌ك ئاريشێن خێزاني ژي، ژ وێ چه‌ندێ روده‌ن و هه‌ردوو هێجه‌تا ل هه‌ڤدوو هه‌ل دئێخن.
هه‌تا پتريا جاران ژێكڤه‌بوونا وان ب گرنگي نابينن ژبه‌ر ديتنا وان و گه‌هشتنا وان بۆ ئێك حه‌ز نينه‌.

evro

Comments (0)