جه‌مال كودی
سه‌نته‌رێ‌ شاریا یێ‌ ره‌وشه‌نبیری 16خۆلێن جوراوجور دبیاڤێن فێركرنا كومپیوته‌ری و هونه‌ری مۆزیكێ‌ و هونه‌رێ‌ شانۆیێ‌ و تیپێن لاتینی هونه‌رێ‌ شێوه‌كاری بۆ 300 گه‌نجان ڤه‌دكه‌ت.

عمران سلێمان به‌رپرسێ‌ سه‌نته‌ری گۆت: ئارمانجا مه‌ ژ ڤان خولا دا كو گه‌نجێن مه‌ د پاشه‌رۆژێ‌ دا پتر مفای ژ ته‌كنۆلوجیایێ‌ وه‌رگرن، گوهدار رشید مامۆستایێ‌ خولێن كومپیوته‌ری لدۆر چاوانییا برێڤه‌ چوونا كاری گۆت: مه‌ پشكدار كرینه‌ دو پشك، پشكه‌ك بۆ فێركرنا ده‌ستپێكی و یا دی به‌رنامه‌یێ‌ وردی چنكو هه‌مووپشكدار نه‌ئێك ئاستن.

دهێته‌ زانین ئه‌ڤ خوله‌ ل باره‌گایێ‌ سه‌نته‌رێ‌ شاریا یێ‌ ره‌وشه‌نبیری و قوتابخانه‌یا شاریا یا بنه‌ره‌ت ژلایێ‌ مامۆستا یێن بسپۆر و شاره‌زا ڤه‌ دهێنه‌ گۆتن.

Comments (0)