|
ژ وان نڤيسهرێن خزمهتهكا بێ سنور بۆ ئهدهبياتا كوردي كري Dr. Farhad Perbal كو نێزيكي (59) پهرتوكێن جورا و جور ههنه ل سالا 1983 ژ كوليژا ئهدهبيات پشكا كوردي ل زانكويا سولێمانيێ دهرچوويه.
وهكو ههر كوردپهروهرهكي ل سالا 1985 دهربهدهري ئيرانێ دبيت.
ل سالا 1987 قهستا فرهنسا دكهت و ل سالا 1992 باوهرناما ماستهرێ ل زانكويا سۆربوون ل پاريس وهردگريت. ل سالا1994 ل ههمان زانكو باوهرناما دكتورايێ وهردگريت.
نوكه ژي دهستێ وي يێ نڤێسينێ يێ بهردهوامه د زوربهيا رۆژنامه و كۆڤاران دا.
لدۆر ههبوونا پيڤهرهكێ جيهاني يێ نوي ژبو ههلسهنگاندنا شعرێ پيربال دبێژيت: تاكو نوكه چ پيڤهر ل جيهانێ نينن كو شعر پێ بهێته پيڤان.
و ئهز باوهرناكهم شاعيرهك وهكي (مايكروڤسكي، يهسينين، پوشكين، پولينوار، كالافي) دناڤ كوردا دا پهيداببن.
بهلێ شعرا كوردي ژي هاتيه نووكرن ل سهر دهستێ »عهبدوللا كوران« و چهندين ويستگههێن جورا وجور ب سهر شێوازێ شعرا كوردي هاتينه كرن داكو دگهل شێوازي »شێركو بێكهس و روانگه« بگونجيت.
سهبارهت دانانا ليژنهيهكا رهخنهي بۆ ههلسهنگاندنا بهرههمێن ئهدهبي دكتور دبێژيت: ئهز دگهل وێ چهندێ نينم كو لێژنهك بهێته دانان، چونكي ئهز چ كهسێن وهسا نابينم دشعرێن ئهڤرۆكه بگههن.
و ههبوونا ڤێ ليژنێ دێ وهكو دهستكهكێ بن و دێ پتر هونهر و ئهدهبيات هێنه خهندقاندن، چونكي تاكو نوكه ل جيهانێ چ ليژنێن ب ڤي شێوهي نين يان چ رهخنهگرێن راستهقينه من نهديتينه، ژبهركو ئهوێن ڕهخنێ دگرن دحهسودن و ئهو تشتێ ئهو دنڤێسن بتنێ وهكي گوتارانن و چ بنهمايێن رهخنهي بخوهڤه ناگريت، چونكي پێدڤيه رهخنهگر بچيته دناڤ گهوههرێ داهێنان و بهرههمێ ئهدهبي.
لدۆر هژمارتنا گرۆپا نووكرنا »ههر وههر» كانێ لدووف هزرا وي دچيته دناڤ خانا مودێرنيزما جيهانێ دبێژيت: يا وان بتنێ ناڤه.
كانێ بهرههمێن وان، كوڤارێن وان، كاريگهرييا وان، ئهڤ گرۆپه نهشياينه ژ سنورێ پارێزگهها دهۆكێ دهربكهڤن.
و ئهز دباوهرێ دامه كو ب شێوازهكێ پراكتيكي نهشياينه د سنورێن پاريزگههێ ههميێ كاربكهن.
ئهندامێن ڤێ گرۆپي نهشياينه بگههنه دهڤهرێن ههلبجه و كهرگوكێ داكو د كهلتورێ وان شارهزا ببن، يان نهشياينه ب رێكا دهركهتن ژ سنورێن پارێزگهها خوه كاريگهرييا خوه بگههينه باژێ »سنه« ل كوردستانا ئيرانێ.
ب تنێ شاعێرێن پارێزگهها دهوكي بهرامبهر شعرێن مهلايێ جزيري پوست مودێرنيزمن ڤێجا چاوه دكهڤنه ژێر خانا مودێرنيزما جيهاني.
ل دور كارگێريا ڤي گرۆپي پيربال ب حيبهتي ڤه دبيژيت تو خهونا دبيني!!!
سهبارهت ههول و بزاڤێن پتر نويكرنا شعرا كوردي دبێژيت: هندهك شاعيرێن كورد شياينه نويكرنێ دهوزانا كوردي دا بكهن مينا"ئهنوهر مهسيفي، ئهحمهدي مهلا" بهلێ »عهبدوللا پهشێو« كو لسهر ههمان شێوازێ »عهبدوللا گورانه« و درێژه پێدانا رێكا ويه. سهبارهت وێ رێبازا پيربال هوزانێن خوه ل سهر دبێژيت بو مه گوت: من چ رێباز نينن ئهز ل سهر بچم و ههر شێوازهكێ بيت ئهز دنڤێسم، چونكي ههكو ئهز نێرينهكێ د دهمه شعرێن خوه وهسا دبينم كو ناكهڤنه سهر چ رێبازا، ههتا نوكه چ شاعيران كاريگهري ل سهر من و هوزانێن من نهكريه و شعرێن من دهربڕينێ ژ من بخوه دكهن، لهوما هندهك خاندهڤان د مهبهستێن شعرێن مه ناگههن وهكي دبێژن نه لدهف وان بايه و نهبارانه.
سهبارهت دژايهتيكرنا بيربالي ژ لايێ شاعيران ڤه دبێژيت: هندهك كهس ههنه ب شێوهكێ راستهوخۆ دژايهتيا من و بهرههمێن من دكهن ئهگهرێ ڤێ چهندێ ژي ئهوه ئهڤ جورێ كهسان دحهسوودن و چنه نه و ئهو نهشێن جوانيێ قهبول بكهن و حهز دكهن كارێن وهكي يێن من بكهن لێ نهشێن.
evro
|
.jpg)
.jpg)
