ئهز، چو تابلويان نابينم ته ب رامانێن مژدار بدهت نیاسين چيروكا ته و من، چهندا خوشه هێژ نههاتيه نڤێسين شهڤ من و ته دكهت ترانه دكهت بابهت دكهت ستێر و ههيڤ لێ ئهز، چو ژ تارياتيێ فێم ناكهم ل مهيدانا ترێنێ، ئێدی بهس من گيرو بكه ئهز گونديمه گوندى و ب نڤيگاسيونێ، ب چو دران ناكهڤم ب ئيشك و كوريشكان، ب خانيێ فلانى و بێهڤانی دێ زوو بهرهڤ ته هێم من شعر ديتن و گوهـ لێ بوون بێ بهێن نڤێسين من بهلاتينك ديتن ل گولان دگهريان من تۆ ب روخسارێ دێمهكێ ب ناف سالڤهچوویى ديتى من ههر تشت ديت تنێ تۆ نهدیتی يێن تو مراندين، يێن هاتين دێ من بهن هێژ ئهز ل سهر ملێ خو نهزڤريم ملێن من هاتن گرتن، خهونێن من نيڤهرو مان نه نيگارهك، نه يادگارهك هات بيرا من، ئهز ب شێتخانێ دكهڤم
دهستێن من بهردهن گولان دنیاسم بێهنا وان ژ من قوت نهكهن ل بهر چاڤێن من پهردهپوشيێ نهدانن ئهز ههر تشتى ب هزران دبينم تنێ خوزيهك، پالا من، بدهن كهڤرهكى سينگێ من، بدهن روژێ ئهز ب روژێ فرشك بوومه و ژ كهڤران فێرى بهرخوهدانێ دالههيێن خو، تنێ ل چهم و رووباران دكهم پێلێن خو كێم بكهن، جارهكێ سهرئهڤراز ههرن دا ب دهربازبوونا كهلهكان ل بن دار چناران ، جارهك دى خرڤهبن و چيروكا، ههناسا داويیا وێ فريشتهيا نههاتيه ديتن ، بهێت نڤێسين رهشنڤيسان كۆم كهم و چانتكێ خو جارهك دى داگرم دا ژدل خو تێوهركهم و ب روژان بو وه تهڤان بخوينم ئها ئهز ژوێ سهفهرێ، فێرى خواندنا رومانێ بوم چاڤهرێ بن دێ رۆمانا چانته كهڤيت بهر دهستێن وه.
.jpg)
.jpg)
.jpg)
