دێ مژيلانكێن خوه‌
مسكاره‌ كم
ب قاس بلنداهييا برويێن ته‌
ره‌نگين كه‌ڤان
ژ مالا مه‌ دوره‌!
پێلاڤين من
جۆت كرينه‌ و
سهوانه‌يا مژيلانكێن من ڤه‌كرى
خه‌ريبم
ژ بيهنا نێرگزان
خه‌ريب
بلا ژ بلنداهييا ته‌
باران ببارت .



(خه‌فكا ژيانى)

ئه‌و شمكا
ناڤێ ته‌ل سه‌ر هاتى نڤێسين
ل خه‌ فكا ژيانێ هلنگفت
شكه‌ستن
پێن من
ژاندارن
ئاه ژاندار
بنێره‌ !
كچا من
په‌نجه‌يێن ده‌مى
هه‌ر ئووفه‌كا ب لێڤێن مه‌ڤه‌ نوساندى
خه‌ونا قه‌يره‌كچا كولانا مه‌ داغ دا !

(دره‌وه‌كا چاڤ زيق)

ل دسپێكێ
له‌شێ رويسێ دوماهيكێ
دورى
چاڤێن شه‌ڤێ كل كرن
دا بووكا ژاندارا چاڤێن سپێدێ بپه‌قت
زه‌لامێ
سباهى
بۆيومباغا سور گرێده‌ت
ب كولاڤێ سپيێ
پشيكا خوه‌
پورا سپيا عه‌وران ڤه‌شێرت
ئه‌و زه‌لامێ هه،‌
ديسان
ل سه‌ر نشيڤێن سپێده‌هييان
ل مژيلانكێن شه‌ڤێ هلنگڤت
ره‌نگێ كلێ چاڤێن ته‌
ره‌نگێ دره‌وه‌كا چاڤ زيق بوو !
هه‌ره‌ ده‌ستێن خوه‌
كفن كه‌.


(بيهنا ته‌حليشكێ)

ده‌مێ ره‌نگێ ئاخێ
روكێن من مكياج كرين
بيهنا ته‌حليشكێ
گه‌وريا بوهارێ تژى تف كر
ده‌ستێن ئاده‌كه‌ر ێن ده‌يكا من
ل دووكارێ شه‌وتين
بابێ من
بو ڤه‌خوارنا قه‌هوه‌يه‌كا ته‌حل رێكا خه‌ما ب ديكێلێ جگارا خوه‌ پيڤا.

(ئه‌و گوزكێ شكه‌ستى )

دوو هه‌سپێن ره‌ش و سپى
كالسكه‌يا بووكانييا من
ژ حه‌شامه‌تا بازارچييان بو گوندى خوزييان دا يه‌ رێ
تو گريايى
لێڤێن ته‌ هه‌لوه‌ريان
ماچێن هه‌رشى
ب به‌لگێن په‌ئيزێڤه‌ نوسان
ئه‌و گوزكێ شكه‌ستى
ب دنكێن گه‌نمى ڤه‌
ب ده‌نگێ دينارێن ئاسنى ڤه‌
ده‌نگێ شكه‌ستنا دلێ ژيانێ بوو

duhok writers

Comments (0)