تۆ هه‌ست پێ دكه‌ى
ژبوونێ وه‌ره‌
پيستێ منێ
ب تبلێن ته‌يێن سوركرى ڤه‌
بوويه‌ ره‌ژوى
ل سه‌ر رانێ ته‌
چاڤێن من
يێن بووينه‌ سه‌ماكار و
كوليلكێن پايزى
هزرێن من كوپى كرين
دسه‌رێ من دا
نه‌ نه‌خشه‌ دهێنه‌ دارێتن
نه‌ خويا دكه‌ن
شينوارێن ئاقل ومه‌ژى
* * *
ئه‌ڤ سه‌قايه‌
هه‌رێ ل پێن خو سياره‌
هه‌موو پێكول و ڤه‌ژه‌ن
د سه‌ر بخونه‌
ژبه‌ده‌نى دياره‌
مشه‌خورێن له‌شێ خونه‌
سه‌قايه‌كێ شاره‌زايه‌
دبياڤى دا
گه‌له‌ك ناڤدار و بسپورن
ئاماژێ دكه‌ت
كو خوين
دبه‌لگێن سولينان دا
نه‌ به‌س سوره‌
به‌روڤاژى ڤى سروشتى
يێ ئاڤايه‌ و ره‌نگ گوهوره‌
ئاماژێ دكه‌ت
كه‌ر شه‌يدايێ بهارێ يه‌ و
ب ده‌مارێن خو يێن ته‌زى ڤه‌
خوزيا وى
هه‌رده‌م ئاليكه‌ و جهوره‌
* * *
ئه‌ڤ بيردوزه‌
دناڤبه‌را من و ته‌ دا
ئاوازه‌كێ ب راهاڤێژه‌
وه‌كو من دڤێت
به‌ندێن ياسايێ دارێژه‌
ئه‌گه‌ر ته‌ بڤێت
خو ب داڤێن دلوڤانيا من ڤه‌ بگرى
دڤى سه‌قايێ قه‌رسى دا
سه‌نگا خو ب بهوژينه‌
په‌سنا ته‌يرێ گوشت خور
ب شێوه‌يێ هوزانه‌كا نه‌ته‌وى
بۆ مه‌ ب بخوينه‌
دا ل ژێر چمێن پێلاڤا ته‌
مه‌حفيرا سور
ب رويشيك و گوليێن خو ڤه‌
ببيت ميراتگر و ده‌ستور
* * *
من نه‌ ڤێتن
كه‌سه‌ك لومه‌ى
ئه‌ڤى هوره‌ سه‌قاى بكه‌ت
ژ به‌ركو
يێ ژ گورستانا ستێران زاى
ئه‌گه‌ر هوين ژ من باوه‌ر نه‌ كه‌ن
ل دێمى بنێرن
ئه‌و چوار داڤێن ب سه‌رێ من ڤه‌
مينا به‌فرێ
يێن كه‌فتينه‌ به‌ر هوره‌باى
ئاخا گورى
يا بوويه‌ بوياغ و
مينا هه‌شێ ب لێڤاڤه‌ ماى
* * *
ئه‌ڤ سه‌قايه‌
دكوكا خودا يێ پيروزه‌
هه‌ناسه‌يه‌كێ ژێ هلكێشه‌
ئه‌ڤ سه‌قايه‌
يێ ژ خوينا ته‌زى هاتيه‌ ئافراندن
ب ڤايروسێن شه‌ڤێ
يێ هاتيه‌ فرشككرن
ئه‌گه‌ر ته‌ بڤێت خو نێزيك بكه‌ى
دێ ره‌نگێ هيزارا ته‌ به‌هيت
ئه‌گه‌ر خو دوور بكه‌ى
دێ ژێده‌رێ ڤايروسان
مه‌ژيێ ته‌ بيت
خه‌ياله‌كا چاپكريه‌
گه‌ر ته‌ بڤێت
ناڤه‌روكێ كوپى بكه‌ى
دچاڤێن خو دا ره‌نگان بچينه‌
دێ په‌ياما ته‌ زوو گه‌هيت
گه‌ر ته‌ نه‌ ڤێت
گوهێن خو ڤه‌كه‌ و
سه‌رێ خو يێ ڤالا
دكولوسكێ زێران هه‌لينه‌
ڤيانا خو يا سار
پاشى قه‌به‌ بكه‌و
هه‌ر نهێنيه‌كا
دناڤبه‌را من و ته‌ دا
بێ دوو دلى رابگه‌هينه

duhokweeiters‌

Comments (0)