خيزێ ته‌ يێ لڤوك ، مێرگا هه‌لبه‌ستا منه‌

و مالكێن من رێ يا رزگارى يا ته‌نه‌ .

داخوازا ئاڤێ ژ تێهنيياتيا ته‌ دكم

ئو –ئاه- ژ تێهناتيا يێ تێهنى

شه‌هێ من ، ناڤچاڤێن ته‌نه‌

كلدانكێ من ، ئاوريێن ته‌نه‌

ئاهـ ئه‌گه‌ر ب هه‌مى تشتێن خوه‌ قير بكم

دێ تاڤێ بو ته‌ كم كراس ول به‌ر خوه‌ كم

ئو هه‌يڤێ ، شال

وه‌ره‌ كێشوه‌را من ڤه‌ببينه‌

ژناڤ ئه‌وران رێ بو ده‌ستپێدكت

داخوازا مافێ په‌نابه‌رييێ تێدا بكه‌

تؤ يێ  سنورێن كێشوه‌را من

نيڤا وێ ب ئه‌ڤينێ داگرتيه‌  و

نيڤا دى  ب  ته‌  چاندييه‌ .

ب چيروكێن مێژوويێ بچينه‌

خێر و  بێر ، ڤولكانێن كێشوه‌را منن

چ ياسا لێ ناهێنه‌ نڤيسين

وخه‌ريبى تێدا مه‌ترسيداره‌ ژبو فره‌هيێ

كووراتيا ئه‌ردێ وێ ، مانا ته‌ يا ئه‌به‌ده‌

كوترا ئه‌قلێ من ، نوهالێن وێنه‌

دارێن من ژى باڤێ سه‌ر مێوێن خوه‌ .

مێژوويا له‌شێ وێ –سفره‌-

ڤه‌ببينه‌ڤه‌

نهێنييا ڤه‌ديتنا خوه‌ ئاشكرا نه‌كه‌

بكه‌ كێشوه‌ره‌كا سيمايێن گه‌ردونێ ته‌ هلبگرت

كێشوه‌را هه‌شتێ ناڤ لێ بينه‌ .

ئامنه‌ عبدالعزبز ،هه‌لبه‌ستڤانه‌كا ئيراقييه ‌ژ به‌غدا، ديوانه‌ك چابكرى لژێر ناڤێ  - القاره‌ التامنه‌-  كێشوه‌را هه‌شتێ - هه‌يه‌.

وه‌ك روژنامه‌ڤان ل كوڤارا  الصباح ل پشكا ره‌وشه‌نبيرى كاردكت .

يه‌ك بوو ژ پشكدارێن فێسته‌ڤالا رێزگرتنێ بو نڤيسه‌رێ وه‌غه‌ركرى ناجى سه‌برى ئاكره‌يى.

ل ئاكرێ پشكداربوو د ئێڤاريا هه‌لبه‌ست خواندنێ دا ل 30/10/2009

Comments (0)