دهۆك، هه‌يڤا دۆسكي:

ژنێن ره‌وشه‌نبير و خۆدان خێزان پێدڤي ب پشته‌ڤانيا ئه‌ندامێن خێزانێ هه‌ميا هه‌يه‌، بتايبه‌ت هه‌ڤژيني، ژبه‌ر هزر د گۆهرينێ د ژيانێ و پلانێن باش دا دكه‌ن، دياركرن كو زارو وان مژول دكه‌ن و گه‌له‌ك ده‌مي ژ وان دبه‌ن و گه‌له‌ك ب سانه‌هي ئاريشێن خۆ چاره‌ دكه‌ن و ناهێلن به‌رفه‌ره بن.

سيهام عومه‌ر كو ژنه‌كا چه‌له‌نگه‌ د وارێ راگه‌هاندنێ دا و ب رێكه‌فتن شوو ب هه‌ڤژينێ خۆ كريه‌ و نوكه‌ دايكا دوو زارويايه‌ و كارێ راگه‌هاندنێ دكه‌ت و دياركر كو ژنا كارێ راگه‌هاندنێ دكه‌ت ب راده‌كێ باش د زانيت كو ره‌وشه‌نبيري هه‌يه‌ بكاريت ب عه‌قلانه‌ سه‌ره‌رده‌ريێ دگه‌ل ژيوارێ خێزانێ بكه‌ت نه‌خاسمه‌ د ئاريشێن روده‌ن د خێزانێ دا هه‌ڤسه‌نگيێ دئێخته‌ دناڤبه‌را هه‌مي ئه‌ندامێن خێزانێ دا بێ جياوازي.

ژلايه‌كێ ديڤه‌ خه‌بات ئيسلام كو كادره‌كا چه‌له‌نگه‌ و پتر ژ بيست ساله‌ دناڤ كارێن جڤاكي و بياڤێ ره‌وشه‌نبيري دا كار دكه‌ت، خه‌بات خۆ دبينيت پشكه‌كا سه‌ره‌كي د چاره‌كرنا ئاريشێن خێزاني و چ جار هزر د مه‌زنكرنێ دا نه‌كريه‌ و گۆت: ئه‌ز گه‌له‌ك ياشيايم ب رێكا كارێ خۆ يێ ره‌وشنبيري زانينه‌كا باش وه‌رگرم و گه‌له‌ك ب ئازادانه‌ هاتن و چۆنا دكه‌م به‌لێ نه‌ك ل سه‌ر حسابا هه‌ڤژين و خێزانا خۆ هه‌رچه‌نده‌ چ خێزان دبێ ئاريشه‌ نينن و ئه‌ز ناهێلم چوجار ئاريشه‌ د خێزانا من دا شه‌ڤي بيت و زوي پێكڤه‌ دروينين و چاره‌ دكه‌ين.

بوهار عه‌لي ڤه‌كوله‌را جڤاكي يه‌ ديار كر كو ده‌مێ ژن باسێ كارێ خۆ بكه‌ت به‌لێ نه‌ك ب وي ره‌نگي كو هه‌ڤژينێ وێ هزر ب كێماتيێ بكه‌ت، بوهاري پتر دياركر كو ده‌مێ ژن وان به‌حسێن هه‌ستيار دكه‌ت كارتێكرنێ ل زه‌لامي دكه‌ت و زه‌لام هزر دكه‌ت كو چه‌وا نامووسا وي دناڤ بابه‌تا دكارت خۆ راگريت، و ژبه‌رئه‌م جڤاكه‌كێ هزر عه‌شيره‌تين ڤێجا زه‌لامي تۆشي دل خه‌له‌تيێ دكه‌ت ئه‌گه‌ر چه‌ند ب سه‌رڤه‌ بچيت كارتێكرنێ ل زه‌لامي دكه‌ت، ب تايبه‌ت دده‌مێن گرڤت سه‌رهلده‌ن ئه‌و بابه‌ت دێ خاله‌كا نێگه‌تيڤ بن د ئازراندنا ئاريشه‌ و شه‌ره‌ده‌ڤي دا.

ژ لايه‌كێ ديڤه‌ و ل گۆره‌ي ئافره‌تێن خۆدان زارو د دبياڤێ ره‌وشه‌نبيري دا رێڤه‌به‌رێ راديويا دهۆك (كاميران ره‌شيد) وه‌سا ته‌كه‌س ل به‌رچاڤ وه‌رگرتنا كاودانێن ژنێ ژ يێن كچێ كر كو بياڤێ ره‌وشه‌نبيري ب هه‌ستيار ل قه‌له‌م دا ژبه‌ر په‌يوه‌نديێن وان گه‌له‌ك به‌رفه‌ره دبن و كارتێكرنێ ل كه‌سايه‌تيا ژنێ دكه‌ت كو پتر دژيانێ شاره‌زا بيت و مفايي دگه‌هينته‌ خێزانا وێ ژي. كاميران خاله‌كا دي راكێشا و گۆت: ئافره‌ت دكێمن د بياڤێ ره‌وشه‌نبيري دا و كه‌س جهێ كه‌سێ ناگريت، ئه‌ڤ ژنه‌ ڤالاتيه‌كا مه‌زن دهێلته‌ ل جهێ خۆ ده‌مێ ژ كاري دوور دكه‌ڤن، ژبه‌ر ئه‌و ناڤێ ئاڤاكري شوين تبلێن خۆ دهێلته‌ ل پشت خۆ و گوت: كاركرنا وێ رويه‌كێ به‌رچاڤ و جوان دئێخته‌ د وي جهێ لێ كار دكه‌ت هه‌رچه‌نده‌ ژيانا هه‌ڤژينه‌كي يا پێڤه‌ گرێدايه‌.

پاشي بۆهار عه‌لي وه‌ك شاره‌زايا جڤاكي ل دوايێ گۆت ئاڤاكرنا خێزانێ ل سه‌ر شه‌نگستێ ره‌وشه‌نبيري بۆ ڤي سه‌رده‌مي ب گرنگي دانا ژبه‌ر تێكه‌لي و سازيێن راگه‌هاندنێ و ته‌نكنولژيا به‌رفه‌ره بۆيه‌ له‌ورا ئه‌گه‌ر ره‌وشنبيري د هه‌مي بياڤێن ژيانێ دا نه‌بيت گرفت رۆده‌ن.

evro

Comments (0)