له‌میانه‌ی یاریی چواریه‌کی گه‌رانه‌وه‌ی جامی یه‌کیتی ئاسیا له‌ تۆپی پێ، له‌ یارییه‌کی مێژووییدا، یانه‌ی هه‌ولێری پاڵه‌وانی سێ وه‌رزی رابردووی خولی یانه‌کانی تووشی شکست هات و ماڵئاوایی له‌ پاڵه‌وانێتی جامی یه‌کێتی ئاسیا کرد.

گێمی یه‌که‌می یارییه‌که‌ به‌بێ گۆڵ بۆ هه‌ردوولا به‌کۆتاهات و له‌ گێمی دووه‌مدا، یاریزانانی یانه‌ی هه‌ولێر پاڵه‌وانی به‌فیرۆدانی هه‌ڵه‌ ئاسانه‌کان بوون و به‌تایبه‌ت هه‌ردوو یاریزانان (هه‌ڵگورد و مه‌هدی)، که‌ چه‌ندین هه‌ڵی ئاسانی گۆڵ تۆمارکردنیان له‌ده‌ستدا و له‌ خوله‌کی (77)ی یارییه‌که‌ یاریزان (دی سیلڤا)ی به‌رازیلی گۆڵی یه‌که‌م و بردنه‌وه‌ی بۆ یانه‌ی کوێت تۆمارکرد و یانه‌که‌ی گه‌یانده‌ چوارگۆشه‌ی زێرین.

شیاوی باسه‌، له‌ یاری چووندا، که‌ له‌نێو خاکی کوێت به‌رێوه‌چوو، هه‌ردوو یانه‌ی هه‌ولێر و کوێتی کوێتی به‌گۆڵێک به‌رامبه‌ربوون و به‌ئه‌نجامی هه‌ردوو یاری یانه‌ی کوێت گه‌یشته‌ یاری پێش کۆتایی.

 zg

Comments (0)