|
| |
سهرۆكێ ههرێما كوردستانا عيراقێ مهسعود بارزاني پشتي نهه سالان ب رهنگهكي فهرمي ژ ئاليێ حكۆمهتا توركيا ڤه هاته ڤهخوهندن و سهرهدانا توركيا كر.
هاتنا بهرێز بارزاني ژ بۆ توركيا نيشانا پێشڤهچوونا پهيوهنديێن سياسي، ئابۆري و ئێمناهيا د ناڤبهرا ههر دو ئاليان دا يه. ل گۆر كۆ زانياريێن گههشتينه من، ههڤديتنا د ناڤبهرا مهسعود بارزاني سهرۆكێ ههرێما كوردستانا عيراقێ و رهجهب تهيب ئهردۆگان سهرۆك وهزيرێن توركيا د ههواكي گهرم و دۆستانه دا دهرباز بوويه و رێزگرتنهكا پر مهزن د ناڤبهرا وان دا ههبوويه و ههڤديتنا وان نێزي 40 دهقيقهيان بهردهوام كريه.
ههڤديتنا ب ئهحمهد داوودئوغلۆ را ژي نێزيكي دهمژمێرهكێ بهردهوام كريه و سهقايهكێ رژد و براتي د ههڤديتنێ دا پر ديار بوو. ديسا شاندا وهزيرێن حكۆمهتا كوردستانا عيراقێ و وهزيرێن حكۆمهتا توركيا ژي د چوارچووڤهيا پێشخستنا كارێن ههڤبهش دا ب رهنگهكي سهركهفتي پيلان و پرۆژهيێن ژ بۆ كارێن ههڤبهش دارشتنه.
ههر چهند توركيا د دهما سهرهدانا بارزاني دا ب ئيسرايلێ را د ناڤ ئالۆزيهكا مهزن دا بوو، لێ ههڤديتنا د ناڤبهرا سهرۆكێ كوردێن عيراقێ و رايهدارێن توركيا دا ئالۆزيا ئيسرايلێ هاتيه دهرباز كرن و حكۆمهتێ ب گرنگي ڤه دهما خوه ژ بۆ شاندا كوردي ڤهقهتانديه، ئهڤ يهكه ژي نيشانا گرنگيدانا حكۆمهتا توركيايه ب پهيوهنديێن ههرێما كوردستانێ را.
د سهرهدانا ڤێ جارێ يا بارزاني دا تشتهكي دي يێ سهرنجراكێش ژي ئهو بوو، كۆ رايهدارێن توركيا ب رهحهتي پهيڤا كوردستانێ ب كار دهينان و توركيا ژي هزر ب وێ يهكێ كر، كۆ پهيوهنديا ههر دو ئاليان نه د چوارچووڤهيا پارتيا كريكارێن كوردستانێ و پاراستنا سينۆر دايه، و ژ وێ يهكێ دهرباز كريه و هاتيه ئاستێ ستراتيژي.
ئانكو ههر دو ئاليان ژي خوه گههاندنه ههڤكاريێن ستراتيژي يێن ههرێمي.
هندهك ئالي ژي بێ گۆمان ههنه كۆ ناخوازن پهيوهنديێن د ناڤبهرا ههرێما كوردستانێ و توركيا دا پێشڤه بچن و ههر دو ئالي پێنگاڤێن ستراتيژي ژ بۆ پهيوهنديێن پاشهرۆژێ بهاڤێژن.
ل گۆر كۆ ژێدهرێن سياسي ژ بۆ مه راگههاندنه، ب تايبهتي ئيران و هندهك هێزێن ههرێمي بهريا كۆ سهرهدانا سهرۆكێ ههرێما كوردستانێ دهست پێ بكهت پر كار و خهبات كرنه دا كۆ ئهو سهرهدان پێك نههێت. لێ چ بهلگه ژي ل بهر دهست نينه كۆ ئهم كهسهكي د ڤێ مژارێ دا تاوانبار بكهن.
ئهڤ سهرهدانا سهرۆكێ ههرێما كوردستانا عيراقێ ژ بۆ توركيا دێ د پهيوهنديێن دو ئالي دا بۆ پاشهرۆژێ ژي ببيته دهستپێكا نوو و توركيا ب پێشخستنا پهيوهنديان د ههر واري دا ب تايبهتي د وارێن ئابۆري، سياسي و كهلتوري دا دێ رێ يا چارهكرنا پرسان ئاسانتر لێ بكهت. ژ رۆژنامهيا هابهر تورك و: ئهديبا سدقي |
evro
|
.jpg)
.jpg)
