تيشك گه‌له‌ك‮ ‬يا پێشكه‌فتي‮ ‬و نه‌خوشخانا ئازادي‮ ‬يا فێركرنێ دگه‌ل كاروانێ پێشكه‌فتنا جيهاني‮ ‬دچيت و هه‌ر ئوپشه‌نكێ نوو‮ ‬يێ تيشكێ دگه‌هيتێ،‮ ‬بريار ئه‌وه‌ ميفراسه‌كا نوو بگه‌هيته‌ نه‌خوشخانێ كو ئێدي‮ ‬نشته‌رگه‌ري‮ ‬بۆ ده‌ستنيشانكرنا قه‌سته‌رێ نه‌هێنه‌ كرن و ب رێكا ڤي‮ ‬ئاميره‌ي‮ ‬بێي‮ ‬مانديبوون قه‌سته‌ره‌ بهێته‌ ده‌ستنيشانكرن و هه‌روه‌سان ده‌رباره‌ي‮ ‬نازووران ژي‮ ‬بۆ مه‌عيدێ و قولۆنێ دێ ده‌ستنيشان كه‌ت،‮ ‬جور و كار و مفا و زيانێن تيشكێ دڤێ ديدارێ دا بخوينه‌‮.‬
د‮. ‬فارس صه‌ديق بريفكي،‮ ‬سه‌رۆكێ پشكا تيشك و سونارێ ل نه‌خوشخانه‌يا ئازادي‮ ‬يا فێركرنێ بۆ رۆژنامه‌يا ئه‌ڤرۆ دياركر كو تيشك پشكه‌كا گه‌له‌ك گرنگه‌ د پزيشكيێ دا و گوت‮: ‬به‌ري100‮ ‬سالان تيشك‮ ‬يا هاتيه‌ دياركرن و كه‌تيه‌ كاري‮ ‬و مفايێ وێ بۆ نوشدار و ساخله‌ميێ دياربوويه‌،‮ ‬هه‌روه‌سان دياركر ژي‮ ‬كو ل ده‌ستپێكێ بابه‌تێ تيشكێ بتنێ تيشكا سيني‮ ‬بوو بۆ شكه‌ستنێ و سينگي‮ ‬كو نوكه‌ ئه‌م دبێژينێ تيشكا ده‌ستپێكي‮ ‬هه‌بوو،‮ ‬به‌لێ ژبه‌ركو كاروانێ تيشكێ ل جيهانێ‮ ‬يێ به‌رده‌وامه‌ له‌ورا تيشك پێشكه‌فت و هنده‌ك تشتێن نوو هاتنه‌ دناڤدا وه‌كو ئه‌وا نوكه‌ ئه‌م دبێژينێ سونار،‮ ‬جوداهيا سونارێ دگه‌ل تيشكێ ئه‌وه‌ كو تيشك پالپشتيێ ل سه‌ر تيرێژێ دكه‌ت و د له‌شێ نه‌خوشي‮ ‬را ده‌رباز دبيت و دبيته‌ فلم و دياردبيت كا له‌شێ نه‌خوشي‮ ‬چه‌ند تيشك كێشايه‌ خۆ،‮ ‬بابه‌تێ سونارێ جودايه‌ كو ئه‌م دبێژينێ پێلێن ده‌نگي‮ ‬و ئه‌م دشێين ب كاربينين بۆ ژنێن دوگيان و ئێشێن ناڤ زكي‮ ‬و ئێشين گولچيسكان و به‌ركان و زه‌راڤي‮ ‬و‮ ‬يێن قولون و پرۆستاتان و زه‌ركێ و ميزدانكێ كو هه‌موو گه‌له‌ك روهن دبن ب رێكا سونارێ،‮ ‬سونار ژي‮ ‬گه‌له‌ك‮ ‬يا پێشكه‌فتي‮ ‬كو نوكه‌ جوره‌ك ده‌ركه‌تيه‌ ئه‌م دبێژينێ دووراتيا سێ‮ ‬يان چار جاركي‮ ‬كو ئه‌م دشێين د هه‌يڤا‮ ‬3‮-‬4ێ دا بزانين كا سوريلانك د زكێ دايكێ دا چاوايه‌ و چ كێماسيێن زكماكي‮ ‬هه‌نه‌،‮ ‬ديسان سونارا ره‌نگا و ره‌نگ ژي‮ ‬ده‌ركه‌تي‮ ‬يه‌ ئه‌وا ئه‌م دبێژينێ دوبله‌ر كو ئه‌و دووڤچوونا ره‌ه و ده‌مارێن خوينێ دله‌شيدا دكه‌ت و بۆ نموونه‌ بۆ مرۆڤێن دامعمر ئه‌وێن ده‌مارێن وان ره‌ق دبن‮ ‬يان دهێنه‌ گرتن و‮ ‬يانژي‮ ‬رێژا رويني‮ ‬يا بلنده‌ د خوينا وان دا ئه‌م دشێين ب سه‌ر ڤان تشتان هلببين‮. ‬ ددووڤدا ميفراس هه‌يه‌ ئه‌وا بێژنێ‮ ‬C.T scan ‮ ‬ئه‌وێ ئه‌م پتر بۆ ئێشێن سه‌ري‮ ‬ب كاردئينين وه‌كو نموونه‌ بۆ جه‌لتێ و خوين به‌ربوونێ و كه‌سێن تووشي‮ ‬روودانێن رێكان دبن و‮ ‬يێن ترومبێلا و ڤێكه‌تنا گولله‌يان،‮ ‬ئه‌وژي‮ ‬تشته‌كێ گه‌له‌ك هوور بۆ مه‌ ده‌ردئێخيت كا چه‌ند زه‌حمه‌ت ب سه‌ري‮ ‬كه‌تيه‌ و جه‌لته‌ چه‌نده‌ و جه‌لته‌‮ ‬يا نوو‮ ‬يه‌‮ ‬يان‮ ‬يا كه‌ڤنه‌ و ديسان كا خوين به‌ربوون نوو په‌يدابوويه‌‮ ‬يان‮ ‬يا كه‌ڤنه‌ و چه‌ند فشار ل سه‌ر مێشكي‮ ‬هه‌يه‌ و ديسان بۆ ئێشێن سينگي‮ ‬و ئاريشێن ناڤ زكي‮ ‬وه‌كو مێلاكێ و كيسك و وه‌ره‌م و په‌نجه‌شێر و هه‌ودانا جه‌گه‌ري‮ ‬يا ڤايرۆسي‮ ‬و ديسان ميفراس دهێته‌ ب كارئينان بۆ ئێشێن هه‌ستييان ژي‮.
‬ سه‌رۆكێ پشكا تيشكێ ل نه‌خۆشخانه‌يا ئازادي‮ ‬يا فێركرنێ دياركر ژي‮ ‬كو ڤێ دووماهيێ ب پشته‌ڤانيا رێڤه‌به‌ريا گشتي‮ ‬يا ساخله‌ميا پارێزگه‌ها دهۆكێ جوره‌كێ نوو‮ ‬يێ ميفراسێ دێ گه‌هيته‌ ده‌ڤ وان ئه‌وا دبێژينێ ميفراسا 64‮ ‬كو هنده‌ك ئوپشێن نوو تێدا هه‌نه‌ و ئه‌و ئوپشن گه‌له‌ك دگرنگن و ئێك ژ مفايێن وي‮ ‬ئه‌وه‌ ئه‌م دشێين قه‌سته‌را دلي‮ ‬ب ڤي‮ ‬ئاميره‌ي‮ ‬بكه‌ين و هه‌لبه‌ت قه‌سته‌را دلي‮ ‬وه‌كو‮ ‬يا زانا ل ده‌ڤ مه‌ وه‌كو نشته‌رگه‌ريه‌كێ‮ ‬يه‌ كو ب رێكا وێ سونده‌يه‌كي‮ ‬ده‌ستنيشانكرنێ دێ چيته‌ د له‌شێ نه‌خوشي‮ ‬دا و هه‌تا دگه‌هيته‌ دلي‮ ‬و هه‌لبه‌ت سه‌ربارك ژي‮ ‬هه‌نه‌ بۆ نوشداري‮ ‬و ستافێ كاري‮ ‬ژي‮ ‬به‌رئاتافي‮ ‬تيشكێ دكه‌ت و ميفراسێ نوو دێ گه‌له‌ك ئاريشه‌يان چاره‌سه‌ركه‌ت بۆ نه‌خوشي‮ ‬و نوشداران و ستافێ كاري‮ ‬ژي‮ ‬و ئه‌ڤ ئاميره‌ گه‌له‌ك تازه‌ و بنه‌جه قه‌سته‌رێ ده‌ست نيشان دكه‌ت،‮ ‬هه‌روه‌سان ئه‌ڤي‮ ‬ميفراسي‮ ‬هنده‌ك ئوپشنێن دي‮ ‬تێدا هه‌نه‌ دێ شێن ئه‌نجامێ نازوورێ ده‌رئێخن بۆ نموونه‌ نازوورا مه‌عيده‌ي‮ ‬گه‌له‌ك‮ ‬يا ب زه‌حمه‌ته‌ بۆ نه‌خوشي‮ ‬هه‌تا سونده‌ي‮ ‬دادعوريت و ره‌نگه‌ نه‌خوشي‮ ‬شيان نه‌بيت بشێت ته‌حه‌مولا نه‌خوشيێ بكه‌ت و ديسان نازوورا قولونێ ژي‮ ‬هه‌يه‌ كو گه‌له‌ك‮ ‬يا نه‌خوشه‌ بۆ نه‌خوشان،‮ ‬به‌لێ هندي‮ ‬ئه‌ڤ ئاميره‌يه‌ دێ شێت ئه‌نجامێن قه‌سته‌رێ و نازوورێ ب شێوه‌يه‌كێ رۆهن و ئاشكرا ده‌ته‌ دختوري‮ ‬و بێي‮ ‬كو چ تشته‌ك بچيته‌ دناڤ له‌شێ نه‌خۆشي‮ ‬دا مه‌ترسيێن تيشكێ ل سه‌ر مرۆڤي‮ ‬چنه‌؟
د‮. ‬فارس بريفكي‮ ‬د به‌رسڤا ڤێ پرسيارێ دا گوت‮:‬‮ ‬هه‌لبه‌ت له‌شێ نه‌خوشي‮ ‬ده‌ما به‌رئاتافي‮ ‬تيشكێ دبيت مه‌ترسيێن خۆ هه‌نه‌،‮ ‬له‌ورا ده‌مێ ئه‌م تيشكێ دگرين ئه‌م هه‌ول دده‌ين به‌س جهێ مه‌ دڤێت تيشكێ بۆ بگرين ئه‌م وي‮ ‬بهێلينه‌ به‌ر تيشكێ جهێن دي‮ ‬ل له‌شي‮ ‬كه‌ڤه‌رێن رساسي‮ ‬ب پارێزين،‮ ‬هه‌لبه‌ت هه‌كه‌ نه‌خوشي‮ ‬بڤێت هه‌ر شه‌ش هه‌يڤان جاره‌كێ‮ ‬يان سالێ جاره‌كێ تيشكه‌كێ‮ ‬يان ميفراسه‌كي‮ ‬بگريت ئه‌و چ زيان لێ نابيت،‮ ‬ئه‌ڤه‌ژي‮ ‬يا هه‌ي‮ ‬و به‌ري‮ ‬ئه‌م نه‌خوشي‮ ‬ببيه‌ ژوورا تيشكێ ئه‌م پرسيارا لێ دكه‌ين كا ژن‮ ‬يا دوگيانه‌‮ ‬يان نه‌ وچه‌ند تيشك گرتينه‌ و زێده‌باري‮ ‬ڤێ چه‌ندێ ئه‌م هه‌ول دده‌ين جهێ مه‌ مه‌قسه‌د پێ هه‌بيت بتنێ به‌رئاتافي‮ ‬تيشكێ بكه‌ين‮.‬ نه‌خوشخانا ئازادي‮ ‬يا فێركرنێ د چ ره‌وش دايه‌ و هه‌تا چ راده‌ شيايه‌ خۆ دگه‌ل كاروانێ تيشكا جيهاني‮ ‬ب گونجينيت؟
د‮. ‬فارس صه‌ديق گوت‮: ‬ب‮ ‬راستي‮ ‬گه‌له‌ك جاران ئه‌م ده‌ركه‌فتينه‌ وه‌لاتێن بياني‮ ‬بۆ پشكداريێ د كونفرانس و خولێن تيشكێ دا و ئه‌م به‌رێخودانێ ل سه‌نته‌رێن تيشكێ‮ ‬يێن وان وه‌لاتان دكه‌ين و بۆ مه‌ دياردبيت كو ل دووڤ وان كاودانێن ئه‌م تێدا دبورين،‮ ‬حكومه‌تا هه‌رێمێ چ خه‌مساري‮ ‬نه‌كري‮ ‬يه‌ دوارێ دابينكرنا ئاميره‌يان دا و چ تشتێ نوو ده‌ركه‌فتي‮ ‬ل سه‌ر ئاستێ جيهانێ‮ ‬يێ بۆ مه‌ هاتيه‌ دابينكرن و ل رۆژێن بهێت بريار ئه‌وه‌ دو ئاميره‌يێن گه‌له‌ك گرنگ و پێشكه‌فتي‮ ‬كو ئێك ژوان ره‌نينا مه‌گناتيسي‮ ‬يه‌ كو ئه‌م دبێژينێ‮ (‬فوول ئوپشن‮) ‬و هه‌موو تشتێ نوو ل سه‌ر ئاستێ جيهانێ تێدا هه‌يه‌ و ئه‌م دێ شێين ب كارئينين و ديسا ئه‌و ئاميرێ ميفراسا حه‌له‌زوني‮ ‬64‮ ‬سلايز ژي‮ ‬دێ گه‌هيت بۆ ده‌ستنيشانكرنا قه‌سته‌را دلي‮ ‬و نازوورێ،‮ ‬مه‌ جه بۆ وان دروستكرينه‌ و ب هاتنا ڤان ئاميره‌يان دێ كاره‌ك و خزمه‌ته‌كا باشتر پێشكێشي‮ ‬نه‌خۆشان كه‌ين‮.‬

 

evro

Comments (0)