|
زانايهكێ رووسي دياركر كو ژ لايێ ههسارێن دي ڤه مهترسيا ل سهر ئهردي ههي و كهس نزانيت دێ چ روودهت، لهورا داخوازێ ژ ئاكنجيێن ئهردي دكهت بهر ب مهريخێ ڤه بچن.
ناسا راگههاند كو وان ههسارهكا هندي ئهردي يا ديتي و رهنگه ژيان تێدا ههبيت.
ل دووڤ نووچهيهكێ رۆژناما »فريميا نۆفۆسيته« زانايێ رووسي يوري كوباريف راگههاند كو ژ لايێ ههسارێن دي ڤه مهترسيا ل سهر ئهردي ههي و كهس نزانيت پشتي 001 سالێن دي يان زێدهتر دێ چ روودهت، لهورا پێدڤيه ئاكنجيێن ئهردي بهر ب مهريخي ڤه كوچ بكهن، بهلێ پشتي دانانا بنگههێن بوشايگهريێ ل سهر ههيڤ و ههسارێن دي و گۆت: ههتا نوكه چ وهلات نهشياينه بزوێنهرهكا گونجاي بۆ ڤێ مهرهمێ دروست بكهت، ب تنێ رووسيا نهبيت كو بهرێ بنياتێ دروستكرنا ڤي بزوێنهري يا داناي.
كوباريفي ئهو ژي نهڤهشارت كو پێدڤيه داهێنانا خۆ هێشتا پێشبێخيت و دێ كاركهت دا كو چ گرفت د داهێنانا وي دا نهمينن و گۆت: زانايێن رووسي يێن شياين وي بزۆێنهري دروست بكهن كو دێ شێت گهشتيێن ئاسماني گههينيته مهريخێ و ههسارێن دوور ژي و بۆ ب كارئينانێ مه پێدڤي ب بڕيارهكا سياسي و دابينكرنا هندهك پێدڤيان ههيه. ئاژانسا ناسا يا ئهمريكي دو ههيڤان بهري نوكه ئهو يهكه ڕهتكربوو كو جۆره پرۆگرامهك ههبيت بشێت گهشتيێن ئاسماني بهر ب مهريخێ و ههيڤێ ببهت.
ههروهسا سهرۆكێ ئاژانسا بۆشايگهريا رووسيا ئاناتۆلي بيرمينۆفي راگههاند بوو كو بهرنامێ بۆشايگهريا رووسيا چ جۆره گهشتيێن ئاسماني بهر ب مهريخێ ب خۆ ڤه ناگريت.
كوباريفي ئهو ژي ئاشكراكر كو ئهمريكا و رووسيا بهرنامهيێ كاركرنێ د ڤي واري دا ب دروستي نه راوهستانديه، بهلێ ههتا ئهو بزۆێنهرهكا باش بۆ گههاندنا گهشتيا بۆشايگهريێ بۆ مهريخێ دروست دكهن، وان نوكه بهرنامهيێ خۆ يێ راوهستاندي يه.
ژ لايهكێ دي ڤه و د بهرنامهيێ لێگهريانا ژ دهرڤهي چوار چوڤهيێ ئهردي دا، ناسا راگههاند كو ل ههيڤا بووري كهشتيا ئاسماني يا ب ناڤێ كيبلهر هنارتبوو رێرهوێ رێيا شيري دا كو ههسارهيێن وهكو ئهردي ببينت و د ئهنجام دا شيا ههسارهيهكا هندي قهبارهيێ ئهردي ببينيت كو رهنگه ژيان تێدا ههبيت.
كيبلهر سال و نيڤه د گهشتهكێ دا ل دووڤ ژيانێ د گهردونێ مهزن دا دگهڕيت، ناسا ههتا نوكه چ بهلگه بۆ ههبوونا گيانهوهران نينن، بهلێ زانا وهسا بۆ دچن كو هندهك گيانهوهرێن ئاسماني يێن ههين كو د گهل مرۆڤان نه دهوگرن. ژێدهر: Technology.akhbarway.com
evro
|
.jpg)
.jpg)
